दिवाळी अंकाच्या नावावरूनच लक्षात आलं असेल की हा आरोग्य, योग्य आहार, व्यायाम, जीवनशैली यांच्याशी निगडित दिवाळी अंक आहे.

अनुक्रमणिकेवर एक नजर टाकूया.

फोटोंवर क्लिक करून झूम करून वाचा.

मुखपृष्ठावर म्हटल्याप्रमाणे हा कथा विशेषांक आहे म्हणजे यातल्या लेखांना गोष्टी स्वरूप देण्याचा प्रयत्न केला आहे. पण हा प्रयत्न खूप यशस्वी झाला आहे असं म्हणता येत नाही. लेखांची सुरुवात एखाद्या गोष्टीने झाली आहे आणि त्यातल्या पात्रांच्या संवादाच्या रूपात किंवा पुढे पुढे गोष्टीचे रुपांतर माहितीपर लेखातच झाले आहे. पण ते असो. दिलेली माहिती महत्त्वाची आहे, वाचनीय आहे हे महत्त्वाचं. तसंच ती सोप्या शब्दात दिलेली असल्यामुळे समजायला सोपी आणि आचरणात आणता येईल अशी आहे.

वानगीदाखल काही उदाहरणे.

लहान मुलांच्या लठ्ठपणाबद्दल अनावश्यक काळजी सोडणे, योग्य आहार देणे आणि पारंपारिक “करदोड्या”चे उपयुक्तता संगणरी कथा

चॉकलेटच्या दुष्परिणामाबदलची गोष्ट

दासबोधातील आरोग्यविचार

पंचतंत्र-इसापनीतीमधल्या गोष्टींचा एक विभाग आहे.

हा उपक्रम चालवनाऱ्या जोशी दांपत्याची अंकात दिलेली माहिती

बहुतेक लेख लठ्ठपणा, मधुमेह, चुकीची जीवनशैली यावरचे आहेत त्यामुळे माहितीची फार पुनरावृत्ती झाली आहे असं वाटतं. अजून वेगळ्या विषयांवरचे लेखन घेता आले असते तर अंकाची उपयुक्तता वाढली असती. पण बहुतांश आजारांचे मूळ कारण याच गोष्टी असल्यामुळे त्यांच्यावरच लक्ष केंद्रित करावे असा विचार संपादकांचा असावा.

———————————————————————————-

मी दिलेली पुस्तक श्रेणी :- आवा ( आवर्जून वाचा )

———————————————————————————-

———————————————————————————-

आवा ( आवर्जून वाचा )

जवा ( जमल्यास वाचा )

वाठीनावाठी ( वाचलं तर ठीक नाही वाचलं तरी ठीक )

नावाठी ( नाही वाचलं तरी ठीक )

———————————————————————————-